Já já, maður er alveg á lífi sko...

ef líf mætti kalla  Vinna 9-1, beint heim og setið við tölvu og inn á mínu elskulega WebCT og lært, prentað út endalaust og bara nóg að gera, lært til svona c.a 10 á kvöldin.   Fékk mér nýjan prentara þegar skólagangan hófst og held hann sé að bræða úr sér, ´þegar búin með eitt blekhylki og við erum að tala um að ég er búin að vera að prenta út af þeim nýja í rúma viku, dissseeessss minn  Ætla að fara að sækja um styrk eitthvert til að maður hafi fyrir kostnaði við blek og blaðakaup

Er sem sagt í tveimur kúrsum og heita þeir mjög svo liprum og þægilegum nöfnum eða:

Nám og kennsla: Inngangur og svo Ritun fræðitexta, samskipti og upplýsingalæsi.  Já hana nú, mjög þægilegt að muna þetta

Ég hef svo slatta af kennurum í þessum kúrsum og nenni nú ekki að telja það allt upp en allt alveg fínasta fólk sem reynir alveg eftir sinni bestu getu að gera okkur fjarnemum lífið þægilegt og aðgengilegt á WebCt.  Er með nokkra fasta kennara eins og er í RF.S.U. en svo koma fleiri inní með allskonar fyrirlestra og svoleiðis.  Þetta er allt mjög skemmtilegt en það sem mér finnst ferlega spennó er gerð Hugarkorta í MindManager, algjör snilld það.  Nýjasta tegundin til að glósa t.d.  Ferlega skotin í þessari aðferð því ég held hún geti gagnast mörgum vel og ég tala nú ekki um lesblinda ( eins og mig) því maður getur skellt inn myndum og alles, allt myndrænt festist mjög vel í minni mér.

Í nám og kennslu eru  líka mjög svo spennandi kúrsar, t.d.  að læra að læra!  Já, segi það og skrifa það, þetta er bara snilld þessi kennsluaðferð og ég ætla sko að nota hana þegar ég verð kennari, ætla sko ekki að hafa hefðbundna kennslu eins og er mjög víða í dag,, krakkaræflarnir látnir sitja á rass....inu og lesa og lesa og lesa ( páfagaukakennsla) og svo próf, búmm, 10 á prófinu, en hvað mannstu þegar þú er komin út úr prófinu?  Nánast ekkert, segi það og skrifa.  Þessi aðferð sem ég er að tala um er það að nemendur tala miklu meira saman um verkefni, miðla að sinni reynslu og þá læra um það og svo koll af kolli.  Hafa óhefbundna kennslu með leiklist og söng og brjóta kennsluna upp, bara snilld  Við leggjum líka svo mismunandi skilning í allt sem við lærum og því er svo gaman ef nemendur tala um eitthvað ákveðið sem t.d. allir lásu, bera það saman og þá síast hlutirnir inn í heddið  Gaman að vita hvaða skilning fólk leggur t.d á Njálu, spurning.  Var Hallgerður kvenskörungur eða eitthvað annað, var Njáll hetja eða? og hefði Gunnar átt að skutla sér bara úr landi eða?  Svari nú hver fyrir sig...  góð pæling...

Annars bara fínt að frétta, ætla að yfirgefa fjörðinn fagra eftir vinnu á morgun og fara í bústað okkar familý með allar glósurnar mínar, nokkrar greinar og slatta af verkefnum og læra læra læra.  Á laugardag ´ætlum við svo að hittast fjórar gellur á Egilsstöðum og læra saman þar allan daginn.  Svo brunar maður heim, fer í betri fötin og skutlast svo yfir Skarð ( Á Nesk) á leikritið "Pabbinn" og svo bara meiri læri lær læri lær á sunnudag

Pínu fíla í gangi sko líka, það er nú ekki alltaf dans á rósum í lived sko, mínir menn í Fjarðabyggð gerðu jafntefli í kvöld norður á Akureyri og maður er nú EKKI ALVEG sáttur með það.  Botninn virðist eitthvað vera farinn að gefa sig hjá þessum elskum en KOMMON, við komum nú bara í 1.deildina í fyrra svo það er ekkert stress á þvi að komast upp í Úrvalsdeildina, förum þangað bara að ári  Annars ætlaði ég nú í koju kl. 10 og vera sofnuð kl. 11 en þá var boðað til fundar hjá Stjórn foreldrafélags Austra í kvöld og ég kom ekki heim fyrr en að ganga 12 og þá var maður bara gjörsamlega vel vaknaður aftur, þannig að maður er bara að bulla núna

En nú er komin háttatími hjá kjéllunni, góða nótt allir og sweet dream

 

Athugasemdir

[Bjarndís Helena Mitchell, 7.9.2007 kl. 00:43]

Gaman hjá þér þessa dagana. Nóg að gera og spennandi verkefni. Gangi þér vel skvís í öllu þessu - Góða nótt

[Margrét Össurardóttir (IP-tala skráð) 7.9.2007 kl. 09:13]

Hjúkkit, þú ert þá á lífi, var farin að hafa áhyggjur sko.

[Ásdís Sigurðardóttir, 7.9.2007 kl. 16:13]

Duglega stelpa, haltu áfram á þessari braut, gott að sjá þú hefur tíma til að skrifa smá.

[Eva , 7.9.2007 kl. 18:43]

Vá það er bara brjálað að gera.............

[Hallgrímur Óli Helgason, 7.9.2007 kl. 21:43]

flott hjá þér, halda áfram að læra, ætla alltaf sjálfur að fara að læra eitthvað en alltaf frestað því, enn aldrei of seint, systir mín varð stúdent í vor og byrjaði á Bifröst í haust, hún verður fimmtug í nóv.

[Huld S. Ringsted, 8.9.2007 kl. 19:20]

Ég var líka farin að hafa áhyggjur en það er greinilega nóg að gera hjá þér!

[Herdís Sigurjónsdóttir, 9.9.2007 kl. 07:57]

Heil og sæl, þú ert heldur dugleg og í vinnu með. Þetta eru greinilega áhugaverð fög sem þú ert að fara í og líst mér vel á hugmyndir þínar um nýjar leiðið í kennslu.

Þú spurðir mig í hvaða námi ég væri. Ég byrjaði í fyrra í HÍ í meistaranámi í umhverfis- og auðlindafræðum. Mér var boðið rannsóknaverkefni áður en ég var búin að ákveða að fara í skóla og áður en ég var búin að snúa mér við var ég í fullri vinnu, búin að skrá mig í háskólann og byrjuð að vinna í rannsóknaverkefnin . En haustið í fyrra var töff.. það var meira en að segja það að byrja aftur í skóla eftir 17 ára hlé. En ég lifði það nú allt af og miðað við það hvernig þú tekur á málum gerir þú það líka, með stæl.

Nú hef ég hins vegar hætt í Rauða kross vinnunni og sinni bara skólanum mínum og pólitíkinni  og lífið er örlítið auðveldara.. held ég .

Varðandi Mind Manager þá er ég hjartanlega sammála þér. Það opnaðist ný heimur og nota ég forritið fyrir allt allt allt. Verkefni hér heima, utanumhald í verkefnum, set upp kort fyrir fundi ef ég ætla ekki að gleyma neinu. Ég nota það líka í verkefninu mínu og hef ég þegar sett 3 hugkort í það.

Gangi þér vel dulegust. Við verðum bara á hálfum hér á blogginu fram að jólafríi, en það er líka allt í lagi, er það ekki?

[Jóna Á. Gísladóttir, 12.9.2007 kl. 23:35]

OMG hvað ég verð þreytt að lesa þetta. Þú ert ekkert smá dugleg