Er komin...

í borg óttans...kom í bæinn um miðnætti en þá höfðum við verið á ferðinni í 11 klukkutíma og var þetta bara hundleiðinlegt...hálka og snjór mest alla leiðina...og svo voru allar sjoppur á suðurleiðinni lokaðar og fengum við ekki matarbita fyrr en á Selfossi, eftir 10 tíma ferðalag. Að vísu voru teknar með mandarínur og nammi en það er nú takmarkað hvað maður verður saddur af því. Ég fékk að vísu kaffibolla á Stöðvafirði, eftir rúmlega klukkutíma keyrslu og svo ekkert meira kaffi fyrr en á Hellu en þar var einn veitingastaður þar sem verið var að horfa á fótbolta, en þar fékkst sem sagt áfengi og kaffi þannig að ég fékk mér einn hlandvolgan kaffi í take away bolla og svo bjargaði pulsuvagninn á Selfossi deginum, sonurinn át tvær pulsur án þess að anda, en við hin létum okkur duga eina pulsu hver og franskar

Er í góðu yfirlæti hérna á Sigurrós vinkonu minni en ég ruddist inn á hana í gærkvöldi, þar sem ég fæ ekki íbúðina fyrr en á morgun, 28.12. Ég verð sem sagt hérna hjá Sigurrós og Adda þangað til á morgun og einkasonurinn hjá pabba sínum. Við förum svo í íbúðina kl. 3 á morgun og með okkur í íbúðinni verða Klara frænka frá USA og sonur hennar Frank, við ætlum að eyða saman viku í íbúðinni.

Brúðkaupið er svo 29.12 í Hallgrímskirkju og hlakka ég voðalega mikið til að fara í þetta brúðkaup, þetta verður svona íslenskt-amerískt þar sem Dave er frá USA, þetta verður flott og svo svaka partý á eftir.

En best að hætta þessu bulli núna og fara að halda áfram að bulla í Sigurrós en við erum búin að vera að í allan dag:) langt síðan við hittumst síðast...

 

Athugasemdir

[Ásdís Sigurðardóttir, 28.12.2007 kl. 00:07]

Gott að heyra hvað ferðin gekk vel þótt löng væri, ekki mikið um veitingar á leiðinni :):)  hafðu það gott í borginni.

[Klara (IP-tala skráð) 28.12.2007 kl. 09:36]

Hæ, hæ og gleðileg jól, gott að heyra að ferðin gekk vel suður. (Hver þarf að næra sig svona stuttu eftir jólin?) Við sjáumst í skólanum eftir nokkra daga.

Kveðja, Klara

[Guðný Anna Arnþórsdóttir, 29.12.2007 kl. 00:47]

Gleðilega jólarest, bið að heilsa Klöru og skemmtið ykkur mikið vel í brúðkaupinu!

[Margrét Össurardóttir (IP-tala skráð) 30.12.2007 kl. 22:19]

Gleðilegar restar af jólunum og farsælt komandi ár elsku bloggvinkona

[SigrúnSveitó, 1.1.2008 kl. 00:25]

Gleðilegt ár, mín kæra.  Takk fyrir árið sem liðið er.

Kærleikur af Skaganum.

[Halla Rut , 2.1.2008 kl. 14:02]

Gleðilegt ár...!!!

[Sóley Valdimarsdóttir, 5.1.2008 kl. 22:23]

Gleðilegt ár. Sjáumst kannski bara í skólanum í næstu viku, farðu varlega þangað til

[Bjarndís Helena Mitchell, 7.1.2008 kl. 01:12]

Gleðilegt ár. Vonandi var brúðkaupið eins æðislegt og til var vonast. Gangi þér svo vel í náminu á nýju önninni. Knús frá mér