Er svo stolt af henni Nikku frænku minni núna...

að ég er alveg að springa úr montni Núna rétt í þessu var verið að kjósa hana knapa ársins hjá Freyfaxa, hestamannafélaginu á Egilsstöðum sem hún keppir fyrir (Ásta sys var að senda mér sms). Núna í þessum töluðu er uppskeruhátíð á Egilsstöðum en það er haldið í kjölfarið á Ístölti Austurlands 2008. Nikku gekk alveg rosalega vel á mótinu í dag, vann ungmennaflokkinn og varð í 5 sæti í B-flokki sem er alveg frábær frammistaða, því það voru um 28 keppendur og 8 komust í úrslit og var Nikka í 5 sæti þegar hún fór inn í úrslitin. Svo í úrstitunum varð hún fimmta og skákaði mörgum gamalreyndum knöpunum. Hún var reyndar eina stelpan sem komst í 8 manna úrslit og langyngst (ekki nema 20 ára stelpan)

 

Nikka og Snoppa

Sú gamla skellti sér á Eiða eftir leikjanámskeiðið í morgun (sem var b.t.w. alveg æðislegt) á Ístöltið. Það var nú svona frekar kalt en mig langaði svo að sjá þessa duglegu frænku að maður skellti sér bara í skíðagallan, 2 flíspeysur og 1 ullarvesti, þykka sokka, vettlinga og húfu. Það var rosalega gaman þarna uppfrá. Fullt af fólki og ég fékk Týru ( tíkina hennar Ástu sys og Rúnar mása) lánaða og við röltum þarna um allt, alveg frábært bara og svo toppaði þessi duglega frænka mín þetta með frábærri frammistöðu. Mest er ég stolt af þessari elsku því hún hefur gengið í gegnum erfitt tímabil núna síðasta hálfan mánuðinn og hún virðist sem betur fer standa keik eftir þessa erfiðleika.

Já, leikjanámskeiðið var alveg frábært, allir ferlega ánægðir, fljöbreytileikinn í fyrirrúmi hjá okkur, tæki, leikir, boltar og bara allt sem hægt er að bjóða upp á í íþróttahúsinu. Ég var allavega vel sveitt og þreytt eftir klukkutíma á leikjanámskeiðinu en alveg frábært engu að síður.

Var svo að horfa á Söngvakeppnina hjá pabba og Ingu, við skemmtum okkur vel, vorum hrifin af mörgum lögum og ég er alveg sátt við lagið sem vann, en mér fannt mörg önnur lög rosalega falleg og skemmtileg. Ég hélt reyndar að hey hey, hó hó (eða hvað það nú heitir) myndi vinna en vonaði samt að Eurobandið myndi sigra. Ég skil reyndar engan vegin hvernig gúmmíhanska, kjúklingalagið komst í 3 sætið, bara skil það ekki. Það var eina lagið sem ég stóð upp frá því mér fannst það asnalegt og leiðinlegt, en er allavega feginn að þeir unnu ekki.

Einkasonurinn er í borg óttans að heimsækja pabba sinn og co og svo að hitta vini sína. Ég heyrði aðeins í honum í dag og það er margt á dagskrá hjá honum þessa daga. Hann kemur ekki heim fyrr en á þriðjudagskvöld en það er vetrarfrí hérna í skólanum á mán-og þriðjudag. Annarlok 2 var á föstudaginn og gekk guttanum rosalega vel og hæðsta einkunin var 9.5. Ég missti reyndar nærri andlitið og hann líka þegar við sáum einkunnarspjaldið því þessa einkunn fékk hann í DÖNSKU Halló...við erum engan vegin að átta okkur á þessu, en allavega, hann fékk mjög fínar einkunnir og þá eru allir sáttir 

Er að hlusta á fyrirlestur, ef kalla mætti fyrirlestur, þetta er tekið upp í bekkjartíma og þá er kennarinn og nemendur í staðnáminu að spjalla voða mikið, maður hlustar með öðru (það er alveg nóg) og bloggar eða skoðar á netinu svona með

Jæja, læt þetta duga...og til hamingju elsku Nikka mín...

Athugasemdir

[Ásdís Sigurðardóttir, 24.2.2008 kl. 00:00]

Heilmikið fjör hjá minni. Til hamingju með frænku þína.  Hafðu það gott elskan mín og mundu að hvíla þig líka.    

[Guðný Anna Arnþórsdóttir, 24.2.2008 kl. 03:03]

Til hamingju með frænku! Bið að heilsa henni þó hún þekki mig ekki! 

[Ómar Ingi, 24.2.2008 kl. 13:48]

Til hamingju með Hryssuna  og frænku

[Grétar Rögnvarsson, 26.2.2008 kl. 09:51]

Til hamingju með frænku þína hún stendur sig ávalt vel, er hér í borg óttans eins og þú vilt kalla hana, verið að skoða hönd drengsins, og á loðnufundi er að verða brjálaður hér, á að vera að veiða loðnu, en fæ ekki frekar en hinir.

[Valan, 26.2.2008 kl. 13:35]

Hún er náttúrulega af eðalættum stúlkan og þá meina ég í báðar