Oh, ég var svo heppin í kvöld:)

Komst nú í vinnu í morgun ( enda löngu vöknuð)og kláraði  vinnudaginn held ég bara með sóma og  þá dreif kjéllan sig heim að niðurlotum komin og hringdi nokkur símtöl og nöldraði og tuðaði smá og ég held að það nöldur ætli að skila sér fæ að vita það eftir svona viku til 2 vikur og þá segi ég ykkur frá því.

Nema hvað, ég fékk mér bjútisleep og svaf í rúman klukkutíma og þegar ég vaknaði langaði mig svo í soðna ýsu en átti enga svo ég hringdi í pabba gamla og bað hann um fisk sem hann lofaði að sjálfsögðu yngsta dýrinu sínu, átti bara að koma að ná í hann.  Svo þegar ég var að leggja í hann til pabba þá hringdi Hulda vinkona mín og bauð mér og einkasyninum í NÝJAR HEIMAgerðar FISKIBOLLUR og ég get svo svarið það, hefði ekki orðið ánægðari þó mér hefði verið boðið á Lækjarbrekku, mig langaði svo í fiskibollur og var alveg búin að láta öfund mína í ljós um daginn þegar hún var að meika þær.  Jónsi hennar fær að sjálfsögðu heilmikið hrós fyrir að fara að veiða fiskinn  Við Kalli minn ( sonur Huldu og Jónsa), 2 ára æðilsegur gullmoli lögðum á borð og hann endurraðaði öllum en þau eru sko 6 í heimili og að sjálfsögðu varð heimilisfólk og einkasonurinn að gjöra svo vel og hlýða því að sitja þar sem við sögðum þeim að sitja   En þetta hafðist allt og voru þetta alveg frábærar bollur sem b.t.w. voru meikaðar úr ÞORSKI og ekki voru þær verri en ýsubollur.  Sat svo smá stund með þeim, fékk mér svo kaffi og sígó og þurfti svo að drífa mig heim því ég átti von á  tölvugúrúinum mínum, sem var væntanlegur til að klára að koma nýju tölvunni í stand og tengja hana þráðlaust, var búin að vera flækt í hel... snúru í heila viku og ég er sko lítið að nenna því að vera að þvælast um snúrur, þoli þær ekki

En nú er ég að hugsa um að fara í koju og ath svo hvort ég vakna kl. 5,6,7 eða 8.  Spennandi að vita

Góða nótt allir þarna úti...

Athugasemdir

[Jóna Á. Gísladóttir, 14.8.2007 kl. 22:45]

Góða nótt dúllan mín. Geturðu ekki gefið okkur smá hint um hvað tuðið fjallaði. Ég er sko soldið forvitin kona.

[Bjarney Hallgrímsdóttir, 14.8.2007 kl. 22:51]

Skattur, álagning sem sennilegast er ekki rétt, búin að kæra og alles og fæ að vita eftir smá, 1-2 vikur og ef ég þarf ekki að borga þessi hel... 80.000 þús. ( sem ég á að sjálfsögðu ALVEG TIL í hægri rassvasanum) þá sko verður maður glaður og fer í bíó eða eitthvað...

Og Jóna mín, þú ert ekki forvintin kona, það er nú bara þannig að ef maður spyr ekki þá veit maður ekki hlutina og ekki vill maður vera fávís kona...

Ég er einmitt frekar spurul kona, svona eins og þú

[Huld S. Ringsted, 14.8.2007 kl. 23:03]

Vonandi dugði tuðið þitt eitthvað. Mig langaði í fiskibollur þegar ég las færsluna þína haha.  Góða nótt

[Doddi - Þorsteinn G. Jónsson (IP-tala skráð) 15.8.2007 kl. 00:05]

Góða nótt, dúlla!

[Bjarndís Helena Mitchell, 15.8.2007 kl. 00:52]

Góða nótt  og sofðu rótt.

[Huldabeib, 15.8.2007 kl. 15:56]

Fiskibollurnar voru góðar en félagsskapurinn betri

[SigrúnSveitó, 15.8.2007 kl. 21:25]

Nammi namm, heimalagaðar fiskibollur.  Hér er alltaf hátíð í bæ þegar tengdó hefur mætt og búið til bollur fyrir okkur.  Þá er veisla í langan tíma!! Krakkarnir elska ömmufiskibollur. 
Þegar við bjuggum í Danmörku þá keyptum við íslenskan sjófrystan þorsk og hann var sælgæti. Og snilld í bollur.  

Knús&kærleikur...