Erfitt að þjást af ,,syndrome

Það er að hrjá mig ægilegur kvilli þessa dagana, eiginlega svona syndrome - og syndromið mitt heitir ,,nenni eiginlega ekki að læra"

Ok, ég ákvað í sumar á ,,Hælinu" að bakka nú aðeins með þessar geðveiku kröfur sem ég setti alltaf á mig - helst að fá 10 í öllu - 9 -9,5 var nú svo sem í lagi en alls ekki neitt þar fyrir neðan... 8 og 8,5 var nú eiginlega ekki nógu gott - en halló gott fólk, hvort á maður gjörsamlega að loka sig inni 24/7 og reyna við tíuna eða fara aðeins út á meðal fólks, fá sér göngutúra og svolis og lækka aðeins í einkun??? Jæja, ég valdi seinni kostinn, þ.e. að komast aðeins út á meðal manna.

En ég hef nú sennilega tekið þetta full alvarlega - því ég er eiginlega ekki komin í lærigírinn ennþá - og það er nú eiginlega ekki nógu gott. Er reyndar búin að skila einu verkefni, á að skila öðru á miðnætti í dag (sunnudag) og er nú svona rétt byrjuð á því... Það er nú líka kannski skýring á því. Ég á að skrifa um eitthvað atvik í mínu lífi - eitthvað sem raunverulega hefur gerst, að það séu til heimildir um það og ég geti sannað það og helst að heyra í einhverjum, þ.e. munnleg heimild um þetta ákveðna tilvik í mínu lífi.

Halló... eins og það hafi nú gerst eitthvað í mínu lífi sem til eru heimildir um... eða hvað.  Eftir að vera búin að vera með hausinn á bólakafi í bleyti s.l daga, þá loksins fann ég eitthvað sem er til haugur af heimildum um - og líka átti að fylgja hvort þetta þætti nú eitthvað merkilegt...

Ja, mér fannst nú hel... merkilegt að útskrifast sem stúdent 39 ára - og komin í Háskóla Íslands... Þetta get ég skrifað um og heitir verkefnið mitt ,,Aldrei of seint" ... [að byrja að læra]  Ég flétta svo inn þetta hvort einhverjar afleiðingar verði að þessu atviki mínu, hvort þetta hafi einhverja þýðingu fyrir komandi kynslóðir... Held það bara, þó maður sé komin aðeins yfir tvítugt er hægt að fara í skóla, þó maður sé öryrki, þá er hægt að fara í skóla og læra og þó maður sé lesblindur og með námsörðugleika, þá getur maður sko farið í skóla og lært - ég er bara sönnun þess en alls ekki sú eina, guð hjálpi mér nú með það, það eru margir í skóla verr settir en ég, en þetta er hægt og afleiðing náms mín í dag er sú - að ég ætla að halda áfram eftir að ég klára kennarann og taka sérkennslukennarann og hjálpa þeim sem eiga við námsörgðuleika að stríða - því ég hef gengið í gegnum það - og hverjir eru betri til að hjálpa, í hverju sem það nú er, en þeir sem hafa upplifað...

 En vá, ég er að verða búin að skrifa verkefnið hérna, ætlaði bara aðeins að henda inn færslu því að vírusvörnin er eitthvað að fara yfir tölvuna og ég nenni ekki að opna word skjalið núna....

Hel... var þetta fín færsla Nú er ég komin með smá í verkefnið mitt ( eða sko mér finnst þetta merkilegt, því ég er alveg að skila færsluna, þó aðrir skilji kannski ekkert í þessu

Kannski er ,,syndromið" bara horfið, úr því að maður er none stop hérna - dembi mér bara beint í verkefnið núna

 

Æ, hérna er lillinn minn, einkasonurinn, svo hamingjusamur og ánægður með þá gömlu  Stolltur af klellunni (Þetta er t.d heimild, fullt af myndum - prófskirteinið mitt úr VA er heimild, prófskirteini úr FB er heimild (lauk þar verslunarprófi í denn, 92, og já, það er til haugur af heimildum um skólagönguna og allt það

(Ps. Einkasonurinn minn hefur heldur betur stækkað á þessum árum, er núna allavega hausnum hærri en ég, þarf að líta langt upp ef maður er að tala við hann  )

 

 

 

 

Og hérna er svo ,,hrikalega" góð mynd af okkur mæðginum við Gullfoss í sumar og slatti stærðarmundur á 3 árum -En, þessi fékk nú bara svona að fljóta með... bara upp á grínið  Einstaklega góð hárgreiðsla á mér og pósið sko í frábæru standi...

 

 

Athugasemdir

[Ómar Ingi, 14.9.2008 kl. 11:21]

Já stækkandi er smáfólkið

[Guðný Anna Arnþórsdóttir, 14.9.2008 kl. 12:53]

Þú ert ógggggggggggiiiiiiiiiisssssssssssllllllllllllla dugleg, Badda. Ég er stolt af þér (sem Eskfirðirngur og kynsystir ....) Það jafnast fátt á við menntun og þekkingu. Það gerir lífið miklu innihaldsríkara, finnst þér ekki?

[Valan, 14.9.2008 kl. 12:53]

Dududud.........heimildir ég gæti nú alveg skrifað eina færslu af gömlum prakkarastrikum og þú notað sem heimild  

[Bjarney Hallgrímsdóttir, 14.9.2008 kl. 19:37]

Vala mín, í öllum bænum settu nú inn færslu um eitthvað úr skólanum - guð, það væri hægt að skrifa stóra og feita bók um okkur

[Erla (IP-tala skráð) 14.9.2008 kl. 22:03]

  Flott hjá þér Badda gangi þér vel.  KV Erla

[Grétar Rögnvarsson, 16.9.2008 kl. 09:00]

Bara að loka sig inni Badda mín og taka á þessu og fá 10 í flestu en annars gangi þér bara vel, veit að þér á eftir að gera það enda kjarnorkukona á ferð. Takk fyrir fótboltasumarið og takk fyrir alla fórnfýsina í kringum þetta Badda mín. Finnst nú svolítið skrítið að þetta sé búið hjá mér, þetta er búið að vera skemmtilegur tími í kringum boltann og hefði ekki viljað missa af þessu. Hitti Halldór í gær glaðbeittan með nýja þjálfarann. Ég fylgist með þeim áfram og mæti örugglega á völlin sumar.

[Sóley Valdimarsdóttir, 19.9.2008 kl. 23:12]

Hæ hæ. Þú ert duglegust. (akkuru geta allir gert svona broskalla en ekki ég ?)