Já já ok...

...þeir töpuðu blessaðir drengirnir í handboltanum, frekar mikið mikið lélegur leikur hjá strákunum okkar, en heyjó, það kemur leikur eftir þennan... ég er allavega ekki gjörsamlega að tapa mér yfir þessu... svona er bara lífið í boltanum

Annars er það bara lærdómur og aftur lærdómur, er búin að hugsa um á hverju skal byrjað og er bara vel byrjuð, allavega situr maður og lærir (svona oftast) allan daginn....allt að koma...samt enn pínu þreytt eftir, ég veit ekki eiginlega hvað

Læra meir, skilaverkefni á sunnudag...

Handbolti var það heillin:)

Já já hef líka brjálaðan áhuga á handbolta sko, og er að missa mig hérna yfir Svía leiknum, búin að vera full æst hérna og einkasonurinn fór bara að heiman, á að senda honum sms um úrslitin, þó hann sé sannfærður um að ,,VIÐ"töpum en ég er ekki alveg viss sko, þeir, strákarnir okkar" eru í rauðum búning og þeir vinna oftar í rauðum heldur en þessum bláa. Ég ætla allavega ekki að afskrifa neitt fyrr en leikurinn er flautaður af...

Leikurinn byrjaður aftur... hel... hann Svenson í markinu hjá Svíum ver bara alltof mikið, spurning um að láta reka hann útaf eða dúndra á einhvern góðan stað á honum nei oj Badda, maður segir ekki svona... ok...

Komin heim í heiðadalinn

og bara alls ekki galinn... komum heim seinni part á laugardag og kvöldið fór í að ganga frá öllu draslinu sem maður var með, sunnudagurinn í að pakka saman jólunum og dagurinn í dag í að redda ýmsum hlutum, og svo er bara að byrja að læra...veit bara ekki á hverju ég á að byrja...er að hugsa um að hugsa um það þangað til á morgun...

Er enn þreytt eftir ferðina, skólann og allt...ekki gott að vera löggiltur ,,aumingi" og þurfa stundum að glíma við síþreytu og svoleiðis bull en það er ekkert við því að gera nema þá að hvíla sig og takast á við lífið... og hana nú

og svo datt hin einkunin inn í gærkvöldi...

og fékk sú gamla aðra 8,5 , í nám og kennslu  ekki hægt að segja annað en að maður sé bara mjög happý þessa stundina... og heimferð verður eftir klukkutíma eða svo...

Fyrsta einkun komin... og ég hálfnuð heim:)

Já já, fysta háskólaeinkunin mín komin í hús og halaði stelpan inn 8,5 í ritun fræðitexta, samskipti og upplýsingatækni  þetta getur lesblinda stelpan... hehe

Og svo er meiri hamingja i gangi sko, er komin á Akureyri og því meir en rúmlega hálfnuð heim  og verður heimferð áframhaldið á morgun, stelpan og einkasonurinn erum hér í góðu yfirlæti hjá Dísu vinkonu og co á Ak. og þá er þetta í rauninni 4 samverustaður minn á rúmum tveimur vikum, geri aðrir betur. Áætlun breyttist lítillega í gær þegar einkasonur tjáði þeirri gömlu að hann þyrfti að vera mættur á mjög svo nauðsynlega fótboltaæfingu á sunnudagsmorgun, og hvað gerir maður ekki fyrir þessa unga sína, jú, bara pakkað niður í gærkvöldi eftir að maður var búin að ljúga út aukatíma í gær í sem átti að vera í dag... og ég var sem sagt bara komin út úr borg óttans um hádegi í dag.

Vil svo þakka öllu frábæra fólkinu sem hefur nennt að hýsa mig s.l vikur, Sigurrós, Sigrún og Dísa ( og viðhengin þeirra) Fátt er svo með öllu illt (í höfuðborginni allavega) að maður eigi ekki yndislega vini og ættingja... love og knús til ykkar...

En þá er það kojan bara, og langt í hann í fyrró heim....

Allt komið á fullt í skólanum...

Nóg að gera í skólanum og voða gaman að hitta alla ,,krakkana" aftur. Ný og spennandi námskeið framundan, Inngangur að samfélagsgreinum og Félagsfræði og skólasaga, þessi námskeið líst mér voða vel á en svo er eitt námskeið í viðbót, Talað mál, og það finnst mér nú ekki eins spennandi...hljóðfræði og svoleiðis...er lítið spennt fyrir þessu námskeiði en maður verður nú víst að taka það og þá bara gegnir maður því Er búin að vera í framsögu tímum núna í vikunni, fyrst að lesa kafla upp úr bók, næst að segja þjóðsögu, svo að búa til ræðu og flytja hana og svo í dag þá á ég að fara með ljóð. Mér hefur gengið svona þokkalega í þessum flutningi nema ég gleymi víst alltaf einu... og það er að anda, hummmm, eins og ég andi nú ekki  Jú jú, ég anda nú alveg þegar ég flyt þetta en ég gleymi víst alltaf djúpöndunni en það er nú sennilega stressið sem er að fara með mann þar, ég var aðeins skárri í gær með það heldur en daginn áður svo þetta kemur allt.

Er flutt í þriðja skiptið síðan ég kom í bæinn þann 26 des. s.l. Er nú komin í Hafnafjörðinn til Sigrúnar og Tristans og það er mjög fínt að vera hérna, líður vel hérna á Völlunum, það er eins og maður sé komin út í sveit, lítil umferð sem maður verður var við. Að vísu er hel... langt að keyra í skólann en maður bara tekur því... það er ekki á allt kosið hér í borginni Annars er alveg á sama tíma hvenær maður er á ferðinni, það er alltaf traffík dauðans hér í borg og maður er nú pínu skelkaður bara að keyra... en þetta venst.

Er búin að fara í nokkrar verslanir hér í bæ síðustu daga og þá hefur maður skutlað sér á morgnana þegar mjög fáir eru á ferð í þessum búðum og það er ljúft, fínt að fara þegar fáir eru...

Stefnan tekin á Akureyri á laugardag og heim á sunnudag, djö... verður það ljúft að komast heim í sveitina, í fjörðinn fagra

Það var skrifað inn á comment ´hjá mér í síðustu færslu að Reykjavík væri nú líka falleg, ég mætti ekki gleyma því... en sorry bara, ég hef nú litið séð af fegurðinni í bílaumferð dauðans, skítugar götur, mannlífið svona upp og ofan í miðbænum og það finnst mér nú ekkert sérstaklega flott. Er búin að fara víða um borgina s.l. hálfan mánuð og hef ekki séð margt sem mér finnst fallegt hér, jú, Hallgrímskirkja er mjög falleg, var þar í mjög fallegu brúðkaupi 29. des en þá held ég að það sé upptalið sem mér finnst fallegt hérna. Brjálað rok og rigning í marga daga þannig að ekki sást út úr augum. Fór upp í Öskjuhlíð á gamlársdagskvöld og ætlaði að njóta útsýnis þaðan um áramótin en það var svo brjálað veður að það var nú ekkert mjög frábært, að vísu sá maður í allar áttir þaðan flugeldana en ég fór þangað aðallega með útlendingana mína tvo sem ég var með, ásamt einkasyninum auðvitað... en það var sama sagan þar og annars staðar, maður ætlaði aldrei að komast þaðan burt aftur. Ég verð líka að bæta svona við í restina að mér finnst flestir reykvíkingar ferlegir dónar í umferðinni og fæstir vita hvað það er að gefa fólki ,,séns,,. Ég geri þetta alltaf en hvað fær maður, maður ætlar að hleypa einum fram fyrir sig en hvað gerist... jú, lágmark þrír bílar troða sér með... og maður verður svo gapandi hissa að maður kemst varla af stað aftur.

En jæja, ætla að láta þessu morgunbloggi lokið, maður alltaf samur við sig, vaknaði kl. 6 í morgun... og svo er maður eins og ungabörnin, sofnaður kl. 10 á kvöldin

Seeeeeeeeeeeee youuuuuuuuuu

Gleðilegt ár allir...

og takk fyrir það gamla

Sit hér alveg að niðurlotum komin, fyrsti skóladagurinn í dag og var skólinn AÐEINS frá 8.30-16.30, það er alveg ágætt sko miðað við að maður hefur sofið svona þokkalega hálfan sólahringinn eða svo síðan síðasta próf kláraðist 19 des s.l. Eða allavega var maður búin að snúa honum vel við sólahringnum... svo var maður svo ægilega spenntur að byrja í skulen að ég var vöknuð fyrir 6 í morgun...oj, það á að banna svona langan skóladag eftir jólin

Á miðvikudaginn næsta er ég búin að vera í hálfan mánuð í bænum og ég get svo svarið það að ég er komin með gubbuna upp í háls á bara voðalega erfitt með að vera hérna svona lengi en ég kemst heim um næstu helgi ætla að keyra á Akureyri á laugardeginum, þó svo það snjói eldi og brennisteinum og svo heim á sunnudag, heim ætla ég um helgina góðir hálsar

Útsölur bæjarins hafa svona nokkurn veginn bara farið fram hjá mér og er mér bara þokkalega sama, fór að vísu með einkasyninum í Smáralind á laugardag og var með honum í 2 tíma og var ég alveg þokkalega búin að fá gubbu á þessu öllu. Ætla að skreppa í Ikea í fyrramálið kl. 10, hef þá staðföstu trú að það verði ekki margir þá... þarf að kaupa tvo hluti...

En jæja, best að læra aðeins í félags-og skólasögu og læra betur eina þjóðsögu eða svo....

See yoooooooooooouuuuuuuuuu

Er komin...

í borg óttans...kom í bæinn um miðnætti en þá höfðum við verið á ferðinni í 11 klukkutíma og var þetta bara hundleiðinlegt...hálka og snjór mest alla leiðina...og svo voru allar sjoppur á suðurleiðinni lokaðar og fengum við ekki matarbita fyrr en á Selfossi, eftir 10 tíma ferðalag. Að vísu voru teknar með mandarínur og nammi en það er nú takmarkað hvað maður verður saddur af því. Ég fékk að vísu kaffibolla á Stöðvafirði, eftir rúmlega klukkutíma keyrslu og svo ekkert meira kaffi fyrr en á Hellu en þar var einn veitingastaður þar sem verið var að horfa á fótbolta, en þar fékkst sem sagt áfengi og kaffi þannig að ég fékk mér einn hlandvolgan kaffi í take away bolla og svo bjargaði pulsuvagninn á Selfossi deginum, sonurinn át tvær pulsur án þess að anda, en við hin létum okkur duga eina pulsu hver og franskar

Er í góðu yfirlæti hérna á Sigurrós vinkonu minni en ég ruddist inn á hana í gærkvöldi, þar sem ég fæ ekki íbúðina fyrr en á morgun, 28.12. Ég verð sem sagt hérna hjá Sigurrós og Adda þangað til á morgun og einkasonurinn hjá pabba sínum. Við förum svo í íbúðina kl. 3 á morgun og með okkur í íbúðinni verða Klara frænka frá USA og sonur hennar Frank, við ætlum að eyða saman viku í íbúðinni.

Brúðkaupið er svo 29.12 í Hallgrímskirkju og hlakka ég voðalega mikið til að fara í þetta brúðkaup, þetta verður svona íslenskt-amerískt þar sem Dave er frá USA, þetta verður flott og svo svaka partý á eftir.

En best að hætta þessu bulli núna og fara að halda áfram að bulla í Sigurrós en við erum búin að vera að í allan dag:) langt síðan við hittumst síðast...

 

Er farinn...

í borg óttans. Er að leggja í hann á eftir, ætlaði nú bara að fara á morgun en það spáir svo illa þá að við erum bara farin...mæting í brúðkaup 29 des svo það er betra að vera mættur. Guðdóttir mín, bróðurdóttir mín, Lína Ara, ætlar nefnilega að fara að giftast honum Dave sínum

Kem svo ekki heim aftur í fjörðinn fagra fyrr en 12-13 jan 2008, skólinn verður hjá mér 7-11 jan svo við einkasonurinn ætlum bara að chilla í borginni fram að skóla... þræða útsölur og svoleiðis, eða allavega einkasonurinn fatasjúki

Þá er best að fara að keyra af stað...keyri keyr keyr...

Adios

Gleðileg jól

Gleðileg jól allir bloggvinir mínir, nær og fjær 

Hafið það öll gott yfir hátíðina