Ætla að reyna að fá pláss á dalli...

sem er ekki með gervihnattasjónvarpi og engu öðru en talstöð um borð - sem sagt ekki hægt að hringja. Gott væri líka að þessi dallur væri með mjög gamalt og slitið útvarp sem heyrðist mjög illa í.    Já, ég er búin að finna lausnina fyrir mig... er búin að fá nett upp í kok á þessu öllu hérna, kvíðahnúturinn stækkar og stækkar með hverjum deginum og fréttatímunum sem líður og ég er bara ekki að meika þetta. Ég sendi Halldór bara í sveit og fer á sjóinn, á dalli eins og ég lísti hér að ofan.

Einu sinni var ég nefnilega sjóari - var háseti á Jóni Kjartanssyni SU 111 og það voru góðir tímar. Fór fyrsta túrinn minn 18 ára og sá túr var tæpar 4 vikur og vorum víð á rækju við Grænland. Við sáum ekkert sjónvarp - sem var bara mjög gott, við heyrðum reyndar stundum fréttir og óskalög sjómanna í útvarpinu - það var ekkert hægt að hringja í neina gemsa, því þeir voru einfaldlega ekki til - og eina sambandið við umheiminn var í gegnum talstöð - Siglufjarðarradíó, Nesradíó og fleiri radíó. Þetta var bara mjög ljúft - maður gjörsamlega gat kúplað sig út úr bullinu í landi og það var bara hel... næs.

Svo ég óska hér með eftir plássi á dalli sem er með ofangreindar óskir...

Háseta vantar á bát, háseta vantar á bát, háseta vantar á línu og net, háseta vantar á bát... og þá kommer jeg

Kannski verður í auglýsingunni svona eins og var í denn þegar verið var að óska eftir ráðskonum í sveit, börn engin fyrirstaða... Halldór getur bara verið í fjarnámi og ég get haldið áfram í mínu fjarnámi ...

 

Miss Menningarleg.is :O)

Það er óhætt að segja að maður sé að kafna í menningu þessa dagana .... og þá er ég nú ekki að meina neitt neikvætt með því - heldur mætti sennilegast krína mig sem Miss Menningarleg.is

Undanfarna viku, eða rúmlega það, hafa staðið yfir Dagar Myrkurs á Austurlandi og förum við hér á Esk ekki varhluta af því - og hefur verið frábær dagskrá hér í rúma viku og ekki allt búið enn.

En nú já, byrjaði á að fara á tónleika með Sinfóníuhljómsveit Íslands (Halló, ég á tónleikum með þeim), svo var sagna -og tónlistakvöld í Randúlfssjóhúsi (eldgamalt sjóhús hérna) og var það bara alveg æði og í boði voru lummur, pönnsur, kaffi, hákarl, brennivín og harðfiskur, það verður nú að næra mallan líka Fór svo á bókasafnið hérna og þar var kertaljós og draugasögur lesnar og fóður fyrir mallan líka. Á fimmtudag fórum við Halldór í sund með Tristan stóra frænda en það var voða kósý þar - kertaljós og lifandi tónlist, alveg æðislegt. Svo í gær fórum við Halldór á æðislega tónleika í menningarmiðstöðinni okkar en það voru hljómsveitirnar Hjaltalín og Sprengihöllin og vá mar hvað þeir voru æðislegir - er ennþá í losti bara eftir þetta. Fullt út úr dyrum og það var nú bara æðislegt líka. Í kvöld stóð svo til að fara á ástareldinn á Mjóeyri en ég er eiginlega ekki alveg að treysta mér í það - skítakuldi úti og komin einhver snjóhríð en ætla hins vegar á kaffihúsið hérna en þar verður Bjartmar Guðlaugs með tónleika. Þetta er nú samt ekki tæmandi listi af því sem hefur verið í boði hér - það var t.d. bílabíó s.l. sunnudag á Mjóeyri en ég fór ekki á það og svo hefur verið margt annað í boði - en ég er víst í skóla og þarf að vera eitthvað að læra og svonnnnna, þannig að maður hefur nú ekki alveg farið á alla viðburði en flest alla samt.

Fréttatímar á RÚV og stöð 2 hafa nú reyndar ekkert verið að kafna í fréttaflutningi frá þessu en þessir dagar eru um allt Austurland og engin smá dagskrá í gangi alls staðar - en það er víst kreppa og mest nauðsynlegt að segja fréttir af því og atburðum af suðurhorninu - en svona er þetta víst bara. Það er reyndar engin fréttamaður á Austurlandinu frá Stöð 2 og einn hjá RÚV og sá mætir nú ekki nema um mjög alvarlega hluti sé að ræða - eða það hafa þeir allavega sagt

EN anyway - ég er nú bara í lost yfir þessu menningarbrölti mínu - fyrir ekki svo löngu síðan fór maður ekki neitt nema á ball og meðfylgjandi fyllerí en það er ekki lengur í boði að fara á fyllerí og ball/barinn á Esk - Valhöll lokað og óvíst hvort eða hvenær það opnar aftur...

Best að fara að setja á sig andlit fyrir tónleikan í kvöld ...

Takk takk

Það er til heimasíða þar sem íslendingum gefst kostur á að þakka Færeyingum aðstoðina... get ekki sett hana hérna inn, þannig að maður klikki bara á hana en  hún hljóðar eitthvað svona;

http://faroe.auglysing.is/index.asp

Við ,,stóri´´ frændi margt að brasa í dag:)

Stóri prinsinn, Tristan Snær, var hjá mér í dag og gerðum við alveg haug... Fórum í heimsókn, fórum á Mjóeyri að sigla bátnum hans Halldórs og henda steinum í sjóinn, fórum svo í vinnuna til Halldórs og enduðum á sundi Ekki laust við að maður sé orðin dauðþreyttur kl. 6 Ælti maður sé orðin gamall eller va???? Hann ætlar bara að vera áfram hjá okkur, ætlar að borða í kvöld - vill ekki að ég keyri honum heim og ef mamma hans vill eitthvað fá að sjá hann - þá getur hún sko bara sótt hann sjálf

 

 

 

 

 

 

Tók nokkrar flottar myndir af stóra frænda á Mjóeyrinni í dag... í myndaalbúm...  Litli frændi ekki komin heim ennþá en vonandi fer hann nú að láta sjá sig á Esk...

 

 

 

 

 

 

 

 

 

 

 

 

 

 

 

 

Myndir af Lilla Nikkuson Kjerúlf :)

Var að setja inn myndir af Lilla sæta Nikkusyni H.Kjerúlf (inn í Myndaalbúm) - fyrir þá sem langar að skoða fallega nýjasta frænda minn Eða eins og Nikka segir: ,,hann er nú bara voða sætur"

 

 Lilli og mo

Lítill frændi leit dagsljósið í gær :)

Ég eignaðist lítinn sætan frænda í gær, 2 nóv. Nikka frænka mín eignaðist strák, 14 merkur og 51 sm. Hún var nú ekki lengi að þessu þessi elska, missti vatnið milli 10 og 11 og gaurinn var komin í heiminn rétt fyrir hálf 7 í gær.

Við Halldór ætlum að fara og skoða litla sæta gaur í dag - hlakka svo til

Maður skellir inn mynd þegar ég er búin að taka myndir...

Já sælllllllllllllll!!!

Eigum við að ræða þetta eitthvað meir...  bara stationin á þetta og sennilegast á mjög ónýtum sumardekkjum, væntanlega á krepskyrtunni, terlínbuxunum og blankskónum að koma af jólahlaðborði - eða eitthvað...

 

Já, og svona ein gleðifrétt í lokin... LIVERPOOOOOOOOOOOOOOOLLLLLLLLLLLL VANN Chelsea í dag... þjóðhátíð hjá mér hérna út á landi - í Kópavoginum ( það er svo önnur saga)

 

Björguðu sama manni tvisvar í dag

Skóli skóli...

Er búin að vera s.l. tvær vikur í vettvangsnámi hér í Grunnskóla Eskifjarðar. Fyrri vikuna var ég að kenna, eða svona, allavega að myndast við það. Var með kennara með mér og ég átti svona að kenna eitthvað og fylgjast með. Seinni vikan átti svo að fara í að fylgjast með umsjónakennara, honum Jónsa, og elta hann út um allt og sjá hvað umsjónarkennarar gerðu. Ég átti bara að fylgja og gegna Jónsa. Ef hann hefði sagt mér að fara heim til sín og skúra, þá hefði ég þurft að gegna því sjúkk að hann fattaði ekki að hann mátti gjörsamlega skipa mér fyrir verkum en ég veit nú samt ekki hvort skúringar hafi verið í pakkanum.

Í seinni vikunni, mið,fimmt-og föstudag voru svo þemadagar í skólanum og var bara þrusugaman að þessu. Hópur af eldri borgurum aðstoðaði okkur í skólanum með fullt af verkefnum en þemað núna var ,,Ísland í gamla daga". Nokkrar kellur kenndu, ásamt kennara, börnunum að taka slátur, baka, búa til lifrarbollur, sviðasultu og margt margt fleira. ég hef sjaldan hlegið eins mikið og þegar maður kíkti í matreiðslustofuna og sá nokkrar gelgjur með ógeðssvipinn á andlitinu þegar ein ágæt eldri kona var að hræra í slátur, og að sjálfsögðu með höndunum.  Nokkrir krakkar voru ferlegar hetjur, í augum hinna krakkanna, þegar þau átu eyra af sviðahaus og fleira - þau þóttu miklar hetjur en þau sem voru að borða þessi ósköp eru bara vön að borða svið

Pabbi töffari, sjónvarpsstjarna, var ásamt öðrum ellismell að kenna nokkrum krökkum að beita línu, leggja hana og draga svo daginn eftir og svo að sjálfsögðu var svo aflinn flakaður og allt það - og búnar til fiskibollur í eldhúsinu...  (ætlaði nú að hafa link hérna á fréttina með gamla skátanum, pabba sko, en þetta stjórnborð leyfir það ekki, skil það nú ekki samt. Fréttin er á ruv.is - fréttir frá 23 okt.

Halldór lærði að dansa gömlu dansana og var bara assgot flottur á sýningunni í gær - hann dansaði við Mettu frænku sína og stóðu þau sig bara rosa vel. Hann gerði líka járnbát, fór á sjóminnjasafnið, og bjó svo til eitthvað af mat - þannig að það var nóg að gera hjá honum... og bara gaman að þessu. Þeir sem kenndu honum að dansa og búa til járnbátana voru líka úr félagi eldri borgara og mér telst til að það hafi verið um 15 félagar sem tóku þátt í þemadögunum - alveg frábært bara og þau hofðu nú svo sannarlega gaman að þessu þau eldri - og innst inni þau yngri líka, þó þau fari nú ekki að uppljóstra því - en þá fannst þeim nú margt ansi merkilegt sem eldri kynslóðin sagði þeim og kenndi...

Ég var í fréttahópnum - ég fygldi Jónsa en hann er fyrrverandi blaðamaður og veit hvernig á að gera þetta. Krakkarnir í okkar hóp áttu að þvælast á milli og taka viðtöl og skrifa um hvað væri að gerast, ásamt því að taka mynir og setja í blaðið, en það var búið til blað um atburði vikunnar.

Jæja, svo er maður að fara suður á eftir (laugardag) Skóli eftir helgi og verð ég í viku. Er nú engan veginn að nenna að fara á suðurhornið núna en maður verður nú samt að mæta, það er skylda og ekki má maður sýna lélegt fordæmi með að mæta ekki...  Allar búðir verða sniðgengnar í þessari ferð - ok, ekki allar, þarf að fara í eina og kaupa jólagjöf handa einkasyninum en sú búð er langt frá Kringlunni og Smáralind, guði sé lof fyrir það - er engan veginn að fíla þessar verslunarmiðstöðvar... svo, það verður ein búð og búið.

Langar samt ferlega mikið á landsleik á miðvikudag, stelpurnar í fótboltanum verða að spila landsleik og svo er held ég líka landsleikur í handboltanum, sama dag held ég... Æ, langar svolítið á annan hvorn leikinn en það er spurning hvort einhver nenni með manni - nenni ómöglega að fara ein og þvælast þetta allt með strætó svona að kvöldlagi, er nú ekki hrifin af því... 

En jæja, best að halda áfram í verkefnavinnu - er að skrifa 2 skýrslur um veru mína í skólanum (er ekki að nenna því sko ) 

 

 

Gott að búa í Fjarðabyggð - eða hvað???

Grein sem ég skrifaði inn á Fjarðabyggðarvefinn - og ekki að ástæðulausu...

,,Sveitarfélögin veita hvert á sínu svæði þá þjónustu sem fjölskyldunum er hvað mikilvægust. Bæjarstjórn Fjarðabyggðar stendur vörð um að íbúar fái notið grunn- og velferðarþjónustu sem til fyrirmyndar er. " Svona hljóða setningar í nýrri samþykkt að ályktun sem bæjarstjórn Fjarðabyggðar samþykkti með 9 atkvæðum þann 16 október 2008.

Ég bara verð að segja að mér finnst eiginlega brandari að lesa þetta: ,,að íbúar fái notið grunn- og velferðarþjónustu sem til fyrirmyndar er." Mín samskipti við Félagsþjónustu Fjarðabyggðar er nú langt frá því að vera til fyrirmyndar. Ég hef leitað á náðir þessarar stofnunar og ekki fengið góðar móttökur og verið spurð hvort ég eigi ekki föður sem geti hjálpað mér - er það hjálpin sem Fjarðabyggð vill veita, að benda fólki sem á í erfiðleikum fjárhagslega að leita á náðir foreldra sinna?

Held ekki en samt er þetta bara svona, fleiri en ég hafa fengið þessi svör hjá Félagsþjónustunni og ég hef gefist upp á þjónustu Félagsþjónustunnar. Það er þannig að öryrkjar og einstæðar mæður á höfuðborgarsvæðinu geta farið í Fjölskylduhjálp ÍSLANDS vikulega og fengið mat og hef ég hringt í þessa fjölskylduhjálp og spurt hvort ég geti fengið mat eða ávísun á mat en svörin hafa verið neitandi, þessi hjálp er fyrir fólk á höfuðborgarsvæðinu og mér bent á að félagsþjónusta míns sveitafélags eigi að aðstoða þá sem eru illa staddir.

En staðan er þannig hjá Fjarðabyggð að ef maður er með yfir 98.000 í laun (bætur) á mánuði, þá fær maður ekki aðstoð - þó svo að nánast allar bæturnar fari mánaðarlega í greiðsluþjónustu bankans míns - sem þýðir = ég stend í skilum með allt, sem þýðir mjög lítill peningur til að lifa af mánuðinn... og strípaðar örorkubætur eru rúmar 130.000 á mánuði... Þannig að já, ég verð að segja nei við þessari ályktun sem bæjarráð var að samþykkja - því þetta er svo langt frá raunveruleikanum...

Það kannski borgar sig að standa EKKI í skilum...

 

Í boði hússins - í tilefni dagsins eða síðustu daga...

Davíð Oddsson og Geir Haarde sitja saman í flugvél

Þá segir Davíð skyndilega; ef ég myndi kasta 1000 krónum út um gluggann þá myndi ég gera eina persónu glaða...

 Geir svarar og segir; ef ég myndi kasta 10.000 krónum út um gluggann þá myndi ég gera tíu persónur glaða í dag...

Þá segir flugstjórinn eftir að hafa heyrt á tal þeirra; ef ég myndi henda ykkur báðum út úr flugvélinni, þá myndi ég gleðja heila þjóð ...

 

Ætla svo að fjárfesta í svona bol á litlu fjölskylduna á Dalbarðinu